Vieiros

O desafío lanzado polos investigadores da Universidade de Newcastle anuncia a creación dun embrión híbrido home-animal. Mentres que en Gran Bretaña o debate político, relixioso e científico relativo a un proxecto de lei de bioética relativa á axuda á procreación e á utilización de embrións humanos acababa de calmarse, o equipo de Lyle Armstrong anunciou á BBC ter conseguido producir un embrión a partir dun ovocito de vaca e células humanas. Unha primicia no Reino Unido e en Europa. O primeiro embrión híbrido creouse disque no 2003 en Shangai con células de home e coello.

O obxectivo do traballo non é dar nacemento a quimeras, senón proporcionar un método de produción de células sen utilizar ovocitos humanos, no marco de procuras de novos tratamentos para graves doenzas e incapacitantes, como Parkinson e Alzheimer.