Vieiros

A Concellaría de Xuventude do Concello de Lugo agarda triplicar a poboación da cidade (perto de 100 mil habitantes) até este domingo, fin de semana do Arde Lucus, unha festa que revive o pasado romano da cidade e que cada ano vai gañando máis popularidade.
O departamento que dirixe a concelleira Rosana Rielo realizou os cálculos baseándose nas cifras de edicións anteriores. "Este ano non sabemos até onde pode chegar a festa", afirmou. A novena edición arrancou xa este venres á tarde coa inauguración do Macellum ou mercado e do campamento de forxadores.
Rielo fixo especial fincapé en que se interesaron por esta celebración xente de todo o país así como de Asturias, Almería, Madrid, Cataluña ou Cádiz. "De todos os puntos de España e tamén de Portugal e mesmo de Londres", agregou.