Vieiros

O Congreso dos Deputados asinara no seu momento, por unanimidade, a adhesión do Estado Español á Carta Europea das Linguas Minorizadas, nun momento onde o presidente do goberno español era José María Aznar. Froito daquel chanzo avanzado realizouse a monitorización do nivel de aplicación das recomendacións estabelecidas nese documento.

E resultado do proceso son as afirmacións e recomendacións realizadas polo Consello de Europa. Dunha banda, a institución eloxiou o despregue da rede de galescolas e apoiou tamén o decreto do ensino en galego. Mais doutro lado tamén advertiu sobre a necesidade de máis medidas de promoción da lingua propia. Recordan desde a Mesa que, entre outros, o informe do Consello menciona que alén das "interesantes iniciativas emprendidas polas autoridades", o número de alumnas e alumnos que reciben educación escolar en galego segue sendo moi baixo".

Á luz dese traxecto andado, pregúntanse con retranca desde A Mesa pola Normalización Lingüística "se Aznar será máis galeguista que Feijoo", laiándose de que o Goberno presidido polo líder do PpdeG "está a vulnerar conscientemente este tratado internacional subscrito polo ex presidente español do seu partido".