Vieiros

O máximo representante político da Deputación de Alacante, José Joaquín Ripoll (PP), permanece detido nunha comisaría dende a mañá deste martes. Axentes da policía rexistraron a casa do alto cargo político, así como doutros políticos 'populares' do municipio de Oriola, onde estaría o cerne dunha suposta trama de corrupción vinculada coa concesión da xestión do lixo a determinadas empresas privadas. A policía, ademais da propia sede da deputación e do consistorio de Oriola, tamén está a rexistrar domicilios de empresarios locais.

Dáse o caso que Ripoll é un dos poucos dirixentes do PP da Comunidade Valenciana que está enfrontado co polémico Francisco Campas. Ripoll pertence aos partidarios do ex ministro Eduardo Zaplana e aproveitou o escándalo Gúrtel, que afecta directamente a Camps, para marcar territorio fronte ao seu rival.

Poden ampliar en Vilaweb.